વિવિધ મુદ્રાઓથી જાળવો સ્વસ્થતા

આપણા શાસ્ત્રોમાં વિવિધ મુદ્રાઓની વાત કરવામાં આવી છે. આ મુદ્રાઓ આજની વ્યસ્ત જીવનશૈલીમાં ખૂબ જ ઉપયોગી છે કારણ કે મોટા ભાગે હાઈફાઈ લાઇફસ્ટાઇલના કારણે આપણે મગજને રાહત પહોંચાડી શકતા નથી અને કસરત કરવા માટેનો સમય પણ કાઢી શકતા નથી. એવા સમયે સરળ અને કરી શકાતી આ હસ્તમુદ્રાઓ આપણને ઘણી મદદ કરે છે. આ મુદ્રાઓ પાછળ તમે ૩ થી ૫ મિનિટનો સમય આપશો તો ઘણા બધા રોગોમાં તમને રાહત જણાશે. આકાશ મુદ્રા- આ મુદ્રા કરવાથી કાનના રોગોમાં રાહત જણાય છે. ધ્યાન મુદ્રા- ધ્યાન મુદ્રાના કારણે તમને તાણમાંથી રાહત મળે છે, ઉપરાંત તમને માનસિક કોઈ પણ પરેશાની હશે તેમાં તમે શાંત રહી શકશો. આ મુદ્રા કરવાથી તમે કોઈ પણ બાબતમાં સારી રીતે એકાગ્ર થઈ શકશો. હ્ય્દય મુદ્રા- દમ કે પછી શ્વાસોચ્છવાસ સંબંધી કોઈ પણ રોગમાં આ મુદ્રા કરવાથી લાભ થાય છે. જળ મુદ્રા- જળ મુદ્રાના કારણે લોહી ચોખ્ખું થાય છે અને ચામડીને લગતા કોઈ પણ રોગમાં ફાયદો થાય છે. લિંગ મુદ્રા- માથાનો દુખાવો, તાવ જેવી તકલીફ થઈ હોય અને આ મુદ્રા કરશો તો તમને રાહત મળતી લાગશે. પાચન મુદ્રા- પાચન મુદ્રા નામ જ કહી આપે છે કે ખોરાક પચાવવા માટે થતી મુદ્રા. આ મુદ્રા જમ્યા બાદ જ કરવી તે સિવાય નહીં. આ મુદ્રા કરવાથી પાચનતંત્ર સુધરે છે. સૂર્ય મુદ્રા- કોલેસ્ટરોલને નિયંત્રણમાં રાખે છે. પ્રાણ મુદ્રા- તમને આંખનો પ્રોબ્લેમ હોય કે પછી તમે વારંવાર નર્વસ થઈ જતા હોવ તો આ મુદ્રા અપનાવો. આ ઉપરાંત પ્રાણ મુદ્રા શરીરના બધા ભાગને ર્સ્ફૂિત પણ બક્ષે છે. પૃથ્વી મુદ્રા- મગજને શાંતિ મળે અને શરીર કામ કરવા માટે નવેસરથી કાર્યરત થાય એ માટે પૃથ્વી મુદ્રા કરવામાં આવે છે. વાયુ મુદ્રા- આ મુદ્રા સાંધાના દુખાવામાં અને પેટના પ્રોબ્લેમ માટે કરવામાં આવે તો અસરકારક પરિણામ આપે છે.